BONIFICACIÓNS NOS PREZOS DAS PARCELAS DOS POLÍGONOS EMPRESARIAIS DE ORTIGUEIRA E CEDEIRA
- Detalles
- Categoría: Portada
- Publicado el Lunes, 01 Marzo 2021 12:46
- Escrito por ferrolterra
- Visitas: 434
A AEF invitada polo Delegado da Xunta na provincia da Coruña, Gonzalo Trenor, participou nunha reunión coa Conselleira de Medio Ambiente, Territorio e Vivenda, Ángeles Vázquez Mejuto, e o Director do IGVS, Heriberto García, na que se deron a coñecer as novidades para a comercialización no 2021, do solo empresarial promovido por Xestur.
No noso contorno, serán os Polígonos de Cedeira e Ortigueira os que se beneficiarán dun precio bonificado -redución do 50 %-
Pódese consultar información detallada -parcelas libres, superficie, uso, prezo bonificado, etc.-, no seguinte enlace https://www.xesturgalicia.com/index.php?seccion=solo_empresarial&opcion=solo_disponible
As novidades que ofrece Xestur este ano 2021, para adaptarse ás especiais condicións consecuencia do COVID-19, son as seguintes:
- As empresas ás que se adxudique solo na modalidade de compravenda poderán solicitar unha prórroga para proceder a escriturar o solo. En anos anteriores este prazo era dun mes.
- As empresas adxudicatarias de solo en dereito de superficie (solo a cambio dun canon anual reducido e opción de compra), terán a posibilidade de solicitar 3 anos de carencia para o pagamento do canon. En anos anteriores o prazo era de 12 meses. O canon correspondente ó período de carencia será prorrateado nas 8 anualidades seguintes.
- As empresas adxudicatarias de solo en dereito de superficie , que o desexen poderán adquirir as parcelas con bonificación ata o oitavo ano despois da adxudicación, o que supón dous anos mais que hasta agora. No caso de que adquiran a parcela, descontarase o 40% do pagado en concepto de canon se a adquisición se realiza nos 12 anos posteriores á adxudicación , ata agora este prazo era de 7 anos.
- Increméntanse os requisitos que deben cumprir os adxudicatarios para garantir o cumprimento dos obxectivos das bonificacións:
- Construción nas súas instalacións ou obtención da licencia de actividade no prazo máximo de tres anos dende a formalización da adxudicación en escritura publica.
- Obrigatoriedade de manter a actividade durante 10 anos, que se incrementará a 12 si a parcela se adquire co obxectivo de ofrecer naves en réxime de alugueiro a outras empresas.
As empresas interesadas en presentar ofertas ao concurso poderán facelo ata o vindeiro 23 de marzo.
